• TEG & riachtanais ollscoile

    TEG & riachtanais ollscoile

    Teastas Eorpach na Gaeilge agus an Tionscnamh Ardscileanna Gaeilge

    Agus iad ag ceadú maoinithe d’institiúidí faoin Tionscnamh Ardscileanna Gaeilge, leag an tÚdarás um Ard-Oideachas agus an Roinn Ealaíon, Oidhreachta agus Gaeltachta síos na coinníollacha seo a leanas:

    Riachtanais iontrála

    Go mbeidh caighdeán iontrála comónta ann feasta agus go ndéanfar é a thagarmharcáil le Leibhéal B2 de chuid Theastas Eorpach na Gaeilge (TEG).

    Riachtanas fágála

    Go mbeidh ar mhic léinn Leibhéal C1, ar a laghad, a bhaint amach i scrúdú foirmiúil de chuid Theastas Eorpach na Gaeilge (TEG).

    Le freastal ar na héilimh sin tá na socruithe seo a leanas déanta ag Ionad na dTeangacha, Ollscoil Mhá Nuad.

    Riachtanais iontrála: Scrúdú Mheánleibhéal 2 (B2) 

    I gcás iarrthóirí a bheidh ag cur isteach ar na cúrsaí atá maoinithe faoin scéim seo in 2017:

    Glacfar le daoine a bhfuil TEG B2 (lánchreidiúint) bainte amach acu le dhá bhliain anuas, is é sin 2015 agus 2016.

    Beidh scrúduithe ag Meánleibhéal 2 (B2) ar siúl ar an 1 Aibreán 2017 agus ar an 12 Lúnasa 2017.

    Ionad

    Spriocdháta

    Torthaí ar fáil

    1 Aibreán 2017:  Má Nuad agus in ionaid eile ar fud na tíre

    (ag brath ar éileamh)

     

    12 Lúnasa 2017:  Má Nuad amháin

     

    1 Márta

     

     

    28 Iúil

     

    6-8 seachtainí tar éis dáta an scrúdaithe

     

    Roimh dheireadh mhí Lúnasa 2017

    Beidh an córas clárúcháin agus íocaíochta oscailte ó 10 Deireadh Fómhair 2017.

    Eolas breise:

    • Is lánchreidiúint atá i gceist (cluastuiscint, léamhthuiscint, scríobh & úsáid na Gaeilge, scrúdú cainte)
    • Tá gach eolas faoi na scrúduithe (siollabas, scrúduithe samplacha, ceisteanna coitianta) le fáil ar an suíomh seo.
    • Beidh na gnáthshocruithe maidir le scrúduithe TEG i bhfeidhm maidir le riar na scrúduithe seo, i.e. clárú na n-iarrthóirí, teagmháil le hiarrthóirí, próiseas achomhairc agus araile.
    • Is é €150 costas an scrúdaithe.
    • Meabhraítear d’iarrthóirí nach ionann pas a fháil i Scrúdú Mheánleibhéal 2 (B2) agus barántas go n-éireoidh leo áit a bhaint amach ar cheann de na cúrsaí atá maoinithe faoin scéim seo. Is réamhcháilíocht atá i gceist le pas i Scrúdú Mheánleibhéal 2 (B2) agus ba cheart d’iarrthóirí iad féin a chur ar an eolas faoi na critéir iontrála a bhaineann leis na cúrsaí éagsúla.

    Riachtanais fágála: Scrúdú Ardleibhéal 1 (C1) 

    I gcás iarrthóirí a bheidh ag críochnú na gcúrsaí atá maoinithe faoin scéim seo in 2017 beidh orthu tabhairt faoi Scrúdú Ardleibhéal 1 (C1) in 2017 nó a léiriú go bhfuil pas faighte acu sa scrúdú sin in 2016 nó in 2015.

    Beidh scrúduithe ag Ardleibhéal 1 (C1) ar siúl:

    27 & 28 Eanáir 2017

    Ionad:  Má Nuad
    Clárú:   Ó 10 Deireadh Fómhair 2017
    Spriocdháta: 6 Eanáir 2017
    Torthaí:  Ar fáil roimh 24 Feabhra 2017

     

    18 & 19 Lúnasa 2017 

    Ionad:  Má Nuad
    Clárú:   Ón 10 Deireadh Fómhair 2017
    Spriocdháta: 4 Lúnasa 2017
    Torthaí:  Ar fáil roimh dheireadh mhí Lúnasa 2017
    • Is lánchreidiúint atá i gceist (cluastuiscint, léamhthuiscint, scríbhneoireacht, úsáid na Gaeilge, scrúdú cainte)
    • Tá gach eolas faoi na scrúduithe (siollabas, scrúduithe samplacha, ceisteanna coitianta) le fáil ar an suíomh seo.
    • Beidh na gnáthshocruithe maidir le scrúduithe TEG i bhfeidhm maidir le riar na scrúduithe seo, i.e. clárú na n-iarrthóirí, teagmháil le hiarrthóirí, próiseas achomhairc agus araile.
    • Is é €175 costas an scrúdaithe.
    • Cé go bhfuil sé éigeantach tabhairt faoi Scrúdú Ardleibhéal 1 (C1), meabhraítear d’iarrthóirí nach mbeidh aon tionchar ag na torthaí a gheobhaidh siad sa scrúdú sin ar an cháilíocht a bhronnfaidh an soláthraí cúrsa orthu.