TEG & Meánscoileanna

Is do ghrúpaí i scoileanna T1 na scrúduithe cainte seo go príomha. Más múinteoir i scoil T2 thú ar spéis leat na scrúduithe a dhéanamh sa scoil, déan teagmháil linn ag teg@mu.ie agus fiosróimid na féidearthachtaí.     

Seo a leanas cuid de na buntáistí atá le córas TEG do dhaltaí Gaeilge meánscoile:   

• Cáilíocht sa Ghaeilge a bhfuil aitheantas náisiúnta agus idirnáisiúnta ag dul léi.   
• Taithí ar scrúdú cainte foirmiúil a dhéanamh, taithí a bheidh an-luachmhar dóibh siúd atá ag ullmhú do scrúdú Gaeilge na hArdteistiméireachta.   
• Forbairt ar scileanna tábhachtacha cumarsáide a rachaidh chun tairbhe a gcuid scileanna foghlama teanga.   
• Sprioc chinnte do dhaltaí idirbhliana. 

Tá buntáistí le córas TEG don mhúinteoir meánscoile chomh maith:   

• Spriocanna foghlama cinnte do dhaltaí agus do chláir idirbhliana.   
• Léiriú iontaofa ar inniúlacht labhartha na ndaltaí i suíomh foirmiúil. 
• Aiseolas neamhspleách ó scrúdaitheoirí seachtracha ar dhul chun cinn na ndaltaí gan aon ualach breise oibre ar an múinteoir.   

B1 - B2 (Scrúdú cainte amháin): €80 an duine   

Is táille laghdaithe é seo a chuirtear ar fáil do ghrúpaí meánscoile i scoileanna T1 amháin. Is féidir le scoil daltaí a chlárú do scrúdú B1 agus/nó do scrúdú B2. Caithfidh íosmhéid 20 dalta a bheith i ngach grúpa ag leibhéal faoi leith. Ní féidir le daltaí aonair an táille laghdaithe seo a fháil.    

Ní mór don scoil an táille iomlán a íoc ag am cláraithe (mí na Samhna).   

Má tharraingíonn dalta(í) siar i ndiaidh dóibh clárú, nó mura dtagann siad chuig an scrúdú, ní thabharfar aisíocaíocht don scoil.  

Déanfar na scrúduithe a reáchtáil sa scoil le linn mhí an Mhárta agus mhí an Aibreáin 2027. Tar éis don scoil clárú, aontóidh oifig TEG data nó dátaí oiriúnacha leis an scoil.  Is gá go mbeidh na socruithe seo curtha i gcrích roimh Nollaig 2026.    

Ag brath ar líon na ndaltaí i do ghrúpa agus scrúdaitheoirí TEG a bheith ar fáil i do cheantar, déanfar iarracht na scrúduithe cainte a chur ar siúl sa scoil le linn agus tar éis uaireanta scoile.  

Ní bheidh scrúduithe lánchreidiúna ar fáil do ghrúpaí meánscoile ó Mheán Fómhair 2026 ar aghaidh. Is iad scrúduithe cainte B1 agus B2 amháin a bheidh á dtairiscint ag TEG do scoileanna as seo amach.  

Is féidir le daltaí aonair atá 15 bliana d’aois nó níos sine cur isteach ar scrúdú lánchreidiúna ag aon cheann de na leibhéil in ionad scrúdaithe oifigiúil de chuid TEG.  Beidh na scrúduithe seo ar siúl ar dhátaí faoi leith i gcaitheamh na bliana agus beidh gnáth-tháille agus coinníollacha i gceist leis na scrúduithe sin. Bíonn an t-eolas is déanaí le fáil ar www.teg.ie  

• I gcás daltaí atá idir 15-18 mbliana d’aois, tá na céimeanna seo a leanas i gceist: 
• An fhoirm iarratais a chomhlánú agus an táille scrúdaithe a íoc roimh an spriocdháta cuí 

An fhoirm cheadaithe, sínithe ag tuismitheoir/caomhnóir, a sheoladh chuig teg@mu.ie roimh an spriocdháta cuí. 

Is féidir le grúpaí meánscoile i scoileanna T1 scrúdú cainte TEG B1 nó scrúdú cainte B2 a dhéanamh. Ba cheart do mhúinteoirí grinnstaidéar a dhéanamh ar na siollabais agus ar na hábhair shamplacha chun tuiscint a fháil ar leagan amach na scrúduithe agus cad atá i gceist leis na leibhéil éagsúla. Tá triail socrúcháin teanga forbartha ag TEG chomh maith, a thabharfaidh léargas ginearálta do mhúinteoirí agus d'fhoghlaimeoirí maidir lena gcumas reatha sa Ghaeilge. Is féidir cuid de na hábhair shamplacha atá le fáil ar an suíomh do scrúduithe cainte B1 agus do scrúduithe cainte B2 a thabhairt do na daltaí chun cabhrú libh an leibhéal cuí a roghnú dóibh. Is féidir le múinteoirí dul i dteagmháil le hoifig TEG má bhíonn comhairle uathu agus iad ag roghnú leibhéal cuí do dhaltaí. Is féidir glaoch ar (01) 708 3737 nó ríomhphost a chur chuig teg@mu.ie.  

Tá gach eolas faoi na leibhéil éagsúla ar fáil anseo. Tabhair faoi deara gurb iad TEG B1 agus B2 na leibhéil a chuirtear ar fáil do ghrúpaí meánscoile i scoileanna T1. Más múinteoir i scoil T2 thú ar spéis leat na scrúduithe a dhéanamh sa scoil, déan teagmháil linn agus fiosróimid na féidearthachtaí. 

Is féidir. Tá polasaí ag Lárionad na Gaeilge réimse tacaíochtaí a chur ar fáil lena chinntiú go mbeidh rochtain iomlán ar scrúduithe TEG ag daltaí atá faoi mhíchumas nó a bhfuil deacrachtaí foghlama faoi leith acu. Cuireann TEG tacaíochtaí agus socruithe réasúnacha ar fáil de réir mar is gá. Caithfidh na daltaí na riachtanais atá acu a lua ar an bhfoirm iarratais agus is gá don scoil fianaise a chur ar fáil d’oifig TEG roimh an scrúdú. Caithfidh an scoil tuairiscí oifigiúla na ndaltaí seo a chur faoi bhráid TEG roimh laethanta saoire na Nollag 2026.    

Moltar do mhúinteoirí atá ag obair i scoileanna beaga T1 labhairt le hoifig TEG. Déanfar iarracht cabhrú libh na scrúduithe a reáchtáil i gcomhar le scoil(eanna) eile sa cheantar. 

Eiseofar torthaí i mí Iúil/Lúnasa 2027. Déanfar torthaí na ndaltaí a roinnt leis an múinteoir ainmnithe sa scoil ar dtús. Gheobhaidh an scoil na teastais dóibh siúd ar éirigh leo sa scrúdú i mí Lúnasa/Meán Fómhair 2027. 

Gheobhaidh na daltaí an marc a fuair siad sa scrúdú cainte. 

Tá an fhoirm réamhchlárúcháin seo le comhlánú ag an múinteoir roimh 1 Deireadh Fómhair 2026. Cuirfear in iúl duit go luath ina dhiaidh sin an bhfuil áit faighte ag do scoil ar an scéim. Ansin, cuirfidh TEG foirm iarratais na ndaltaí ar fáil do scoileanna go luath tar éis bhriseadh na Samhna. 

Tabhair faoi deara: Ní féidir linn glacadh le níos mó ná 700 dalta scoile ar an iomlán. Déanfar freastal ar na scoileanna is túisce a chuirfidh an t-eolas riachtanach faoi bhráid Oifig TEG. Nuair a shroichfear 700, beidh liosta feithimh i gceist. 

Chun do scoil a chlárú do scrúduithe 2026/2027, tá an fhoirm réamhchlárúcháin le comhlánú roimh 1 Deireadh Fómhair 2026.  

Tabhair faoi deara: Ní féidir linn glacadh le níos mó ná 700 dalta scoile. Déanfar freastal ar na scoileanna is túisce a chuirfidh an t-eolas seo faoi bhráid Oifig TEG. Nuair a shroichfear 700, beidh liosta feithimh i gceist.     

Ní féidir líon na ndaltaí a athrú má tá aon cheann de na céimeanna seo thíos curtha i gcrích: 

1. Na daltaí cláraithe ar chóras TEG 

2. An liosta daltaí deimhnithe ag an scoil le hoifig TEG 

3. An sonrasc eisithe ag an ollscoil 

Caithfidh. Caithfidh cruthúnas aitheantais a bhfuil a ngrianghraf air a bheith ag gach dalta. Glacfar le pas reatha, ceadúnas tiomána reatha, cárta aitheantais oifigiúil na scoile, nó cárta aitheantais náisiúnta reatha. Ní ghlacfar le haon chruthúnas eile.  

Is féidir le daltaí aonair atá 15 bliana d’aois nó níos sine cur isteach ar scrúdú lánchreidiúna nó ar scrúdú páirtchreidiúna in ionad scrúdaithe oifigiúil de chuid TEG. Is gá dóibh cur isteach ar an scrúdú tríd an gcóras iarratais ginearálta ar líne. Tá gach eolas faoi na hionaid, na dátaí agus na táillí le fáil ar www.teg.ie. Beidh ar dhaltaí aonair dul go dtí an t-ionad scrúdaithe is cóngaraí dóibh chun an scrúdú a dhéanamh.   

Caithfidh daltaí atá ag cur isteach ar an gcúrsa seo an scrúdú lánchreidiúna B1 a dhéanamh in ionad scrúdaithe ofigiúil de chuid TEG i mí Feabhra nó i mí na Bealtaine. Tá tuilleadh eolais faoi TEG agus an B.Oid. trí Ghaeilge in Institiúid Oideachais Marino ar fáil anseo.   

Déan teagmháil le hOifig TEG ag teg@mu.ie nó (01) 708 3737.