• Fáilte chuig Teastas Eorpach na Gaeilge

    Fáilte!

    Cuireann Teastas Eorpach na Gaeilge (TEG) sraith scrúduithe agus cáilíochtaí ar fáil do dhaoine fásta atá ag foghlaim na Gaeilge. Tugann scrúduithe TEG deis d’iarrthóirí, ó ghlantosaitheoirí go leibhéil ardchumais, a gcumas a dheimhniú sa labhairt, sa chluastuiscint, sa léitheoireacht agus sa Ghaeilge scríofa.

    Faoi láthair, cuirtear scrúduithe ar fáil ag cúig leibhéal éagsúla. I measc na n-iarrthóirí a thug faoi na scrúduithe go dtí seo tá:

    • foghlaimeoirí fásta i rang oíche i mBaile Átha Cliath a bhí ag tosú arís ar staidéar a dhéanamh ar an Ghaeilge den chéad uair ó 1970;
    • teagascóirí Gaeilge in ollscoil in Éirinn;
    • baill foirne de chuid comhairlí contae i gCiarraí, i nGaillimh, i dTiobraid Árann, sa Chlár agus ina lán contaetha eile;
    • iriseoirí Gaeilge;
    • múinteoirí Gaeilge i mbunscoileanna agus i meánscoileanna;
    • mic léinn ollscoile i gCeanada a bhí ag tosú ar staidéar a dhéanamh ar an Ghaeilge.

    Is féidir le hiarrthóirí tabhairt faoin scrúdú cainte amháin, más mian leo cáilíocht faoi leith a bhaint amach sa teanga labhartha.

    Bíonn na scrúdaithe ar siúl i mí Aibreáin agus i mí na Bealtaine i ndeich n-ionad in Éirinn agus i gceithre ionad thar lear. Tugann roinnt céadta foghlaimeoir faoi scrúduithe TEG gach bliain.

    Cuireann siollabais agus scrúduithe TEG spriocanna foghlama cinnte roimh mhúinteoirí agus roimh fhoghlaimeoirí le go mbeidh na foghlaimeoirí in ann líofacht sa Ghaeilge a bhaint amach céim ar chéim.

    Ní hamháin go gcabhraíonn TEG le foghlaimeoirí dul chun cinn a dhéanamh ina gcuid staidéir ar an Ghaeilge, is amhlaidh a úsáideann roinnt eagraíochtaí TEG sa phróiseas earcaíochta agus roghnaithe, lena chinntiú go mbeidh na scileanna teanga cuí ag na hiarrthóirí a cheapfar.  

    Tá scrúduithe TEG bunaithe go ginearálta ar an Fráma Tagartha Comónta Eorpach do Theangacha (Comhairle na hEorpa, 2001).

    Beidh an suíomh seo ina fhoinse eolais faoi gach gné de scrúduithe TEG le haghaidh foghlaimeoirí ag gach leibhéal, le haghaidh múinteoirí meánscoile agus múinteoirí a bhíonn ag teagasc na Gaeilge do dhaoine fásta, le haghaidh fostóirí agus le haghaidh eagraíochtaí Gaeilge. Tá súil againn go bhfaighidh tú gach eolas atá uait ar an suíomh seo. 

    Scrúduithe TEG 

    Ag na naisc thíos, gheobhaidh tú gach ábhar a bheidh ag teastáil uait ag gach leibhéal:  Siollabais, Páipéir Scrúduithe Shamplacha, Tuairiscí an Phríomhscrúdaitheora agus Ábhair Theagaisc Shamplacha

    Nuacht is Déanaí

    Dátaí & Ionaid TEG 2020

    Mar-30-2020
    Mar gheall ar an gcoróinvíreas, ní foláir scrúduithe TEG a bhí le bheith ar siúl idir seo agus deireadh mhí an Mheithimh 2020 a chur ar ceal, sna hionaid in Éirinn agus thar lear. Maidir le scrúduithe B1, B2 agus C1 atá le bheith ar siul i mí Iúil agus Lúnasa, déanfar athbhreithniú ar na socruithe seo ar bhonn míosúil agus cuirfear na scrúduithe ar siúl, nó déanfar socruithe ailtéarnacha bunaithe ar chomhairle agus ar threoirlínte an Rialtais.  

    Socruithe maidir le coróinvíreas (COVID-19)

    Mar-13-2020
    I bhfianaise na dtreoracha a tháinig ón Rialtas ar an 12 Márta ag moladh do dhaoine bheith ag obair sa bhaile oiread agus is féidir, iarrtar ort teagmháil a dhéanamh linn faoi aon ní a bhaineann le cúrsaí Gaeilge nó scrúduithe TEG ag teanga@mu.ie. Mar eolas, tá sé i gceist againn dul ar aghaidh le sceideal scrúduithe TEG faoi mar atá ach déanfar athbhreithniú ar na socruithe ar an 30 Márta agus déanfar uasdátú ar an eolas ar an suíomh ag an phointe sin.

    Feidhmeannach Riaracháin á lorg ag Lárionad na Gaeilge

    Feb-20-2020
    Tá Feidhmeannach Riaracháin á lorg ag Lárionad na Gaeilge: Taighde, Teagasc agus Tástáil, Ollscoil Mhá Nuad. Conradh trí bliana atá i gceist. Beidh ar an té a cheapfar na dualgais seo a leanas maidir le riar scrúduithe TEG a chur i gcrích i bpáirt le Comhordaitheoir na Gaeilge agus foireann TEG:

    Cuir iarratas isteach ar Scrúdú TEG 2019

    Foirmeacha anseo. Roghnaigh an fhoirm a bhaineann leatsa. 

     

    Is féidir le grúpaí foghlaimeoirí scrúduithe cainte TEG a dhéanamh ag aon am den bhliain - cuir ríomhphost chuig teanga@mu.ie chun é seo a fhiosrú.

    an fhoirm iarratais do dhaltaí meánscoile ar fáil anois.