Ní cúrsa teagaisc ná plean ranga atá i gceist leis an ábhar samplach seo. Is é atá ann ná samplaí de na cineálacha tascanna a d’fhéadfaí a bhunú ar théacsanna éagsúla chun na hinniúlachtaí agus na scileanna atá leagtha amach sa siollabas a fhorbairt. Moltar go gcuirfeadh múinteoirí riachtanais agus réimsí spéise a gcuid foghlaimeoirí féin san áireamh agus iad ag roghnú téacsanna agus ag ullmhú tascanna dá gcuid cúrsaí. Is faoi mhúinteoirí atá sé ábhar an tsiollabais a chur i láthair cibé bealach a oireann don chomhthéacs ina bhfuil siad ag obair – ní gá, mar shampla, cloí le leagan amach na dtopaicí mar atá thíos nó mar atá sa siollabas. Dar ndóigh, beidh gá le topaicí agus ábhair eile a chlúdach, ag brath ar riachtanais na bhfoghlaimeoirí.
