Bíonn fiosruithe maidir le cúrsaí Gaeilge atá bunaithe ar Theastas Eorpach na Gaeilge ag teacht chugainn in Lárionad na Gaeilge go minic agus ba mhaith linn go mbeadh an t-eolas maidir le ranganna Gaeilge atá bunaithe ar shiollabais TEG chomh beacht agus is féidir.
Má tá tú féin nó aon duine/eagraíocht i do cheantar (in Éirinn nó thar lear) ag tairiscint ranganna Gaeilge bunaithe ar TEG, bheimis buíoch díot as na sonraí seo a leanas a chur chuig teanga@nuim.ie:
- Ainm na heagraíochta/an mhúinteora
- Seoladh
- Uimhir ghutháin
- Seoladh ríomhphoist
- Láithreán gréasáin
Cuirfear na sonraí sin ar fad ar shuíomh TEG agus beidh foghlaimeoirí i do cheantar in ann teacht ar do chuid sonraí níos éasca.
Is féidir le múinteoirí Gaeilge ag leibhéal ar bith leas a bhaint as TEG le ranganna teanga a sholáthar. Féach thíos na buntáistí a bhaineann le TEG do theagascóirí agus d’ionaid teagaisc Gaeilge.
Buntáistí TEG don Mhúinteoir Teanga
- Is é an taithí atá ag foghlaimeoirí ná go spreagtar iad go mór nuair a thugann siad faoi cháilíocht TEG
- Is córas solúbtha céimithe atá ann
- Tá ábhar an chúrsa dírithe ar dhaoine fásta
- I gcóras TEG, déantar na ceithre phríomhscil teanga a fhorbairt: labhairt, cluastuiscint, léamhthuiscint agus scríbhneoireacht
- Cuireann TEG acmhainní cuimsitheacha teagaisc ar fáil saor in aisce
- Is féidir an scrúdú cainte amháin a dhéanamh agus páirtchreidiúint a fháil
- Tá fáil ar TEG ar fud an domhain agus tá ionaid scrúdaithe in Éirinn, sna Stáit Aontaithe, i bPoblacht na Seice, sa Fhrainc agus i gCeanada
- Bronnadh An Séala Eorpach Teanga agus Séala ALTE (Association of Language Testers in Europe) ar TEG mar aitheantas ar ardchaighdeán agus ar cheannródaíocht i múineadh agus i dtástáil teanga
- Cuireann cáilíochtaí TEG deiseanna ar fáil i réimsí an oideachais agus sa tseirbhís phoiblí
- Aithníonn fostóirí ar fud an domhain cáilíochtaí TEG mar chuid den Fhráma Tagartha Comónta Eorpach do Theangacha
Beimid ag súil le scéala uait!