|
|
||||||||||||||||||||||||||||||||||||||||||||||||||||
 Ceisteanna coitianta |
|||||||||||||||||||||||||||||||||||||||||||||||||||||
|
 Cé air a bhfuil scrúduithe Teastas Eorpach na Gaeilge (teg) dírithe? Is féidir le haon duine ceann ar bith de scrúduithe teg a dhéanamh. Ní gá freastal ar aon chúrsa faoi leith. Níl aon teorainn aoise i gceist ach oiread. Ar ais go barr Cén tábhacht a bhaineann le scrúduithe teg? Is é teg an chéad chóras teastasaithe d'fhoghlaimeoirí fásta Gaeilge a bhfuil baint aige le córas scrúduithe ALTE/Comhairle na hEorpa. Tá forbairt déanta ar a leithéid de chóras le haghaidh fhormhór na dteangacha eile san Eoraip cheana. Tá leibhéil éagsúla teg bunaithe ar An Fhráma Tagartha Comónta Eorpach do na Teangacha: Foghlaim, Teagasc agus Measúnú (Comhairle na hEorpa, 2001). Cabhraíonn an córas seo leis na foghlaimeoirí a gcuid staidéir a phleanáil agus aitheantas a fháil as an dul chun cinn atá déanta acu. Buntáiste eile a bhaineann leis an chóras seo ná go dtugann sé cruthúnas d'fhostóirí maidir le cumas teanga agus iad ag roghnú iarrthóirí do phoist nó d'ardú céime. Tá tábhacht faoi leith leis seo ó tháinig forálacha Acht na dTeangacha Oifigiúla (2003) i bhfeidhm. Tá Ionad na dTeangacha in Ollscoil na hÉireann, Má Nuad ina bhall de ALTE (Association of Language Testers in Europe) a dhéanann monatóireacht ar ábhar agus ar chaighdeán scrúduithe teg. Ar ais go barr An gcaithfidh iarrthóirí scrúdú A1 a dhéanamh sula ndéanfaidh siad scrúdú A2? Is féidir le hiarrthóirí aon cheann de scrúduithe teg a dhéanamh. Seasann gach scrúdú leis féin agus is faoin iarrthóir atá sé, an scrúdú is oiriúnaí dó/di féin a roghnú. Ar ais go barr Cén áit a mbíonn na scrúduithe ar siúl? Bíonn na scrúduithe ar siúl in iliomad áiteanna in Éirinn agus thar lear uair amháin sa bhliain, i mí Aibreáin nó i mí na Bealtaine (A1, A2, B1, B2) agus mí na Nollag (C1). Sonraí anseo. De ghnáth, bíonn na páipéir scríofa ar siúl ar maidin. Féach ar an eolas atá le fáil ar an fhoirm iarratais le hamanna do na scrúduithe cainte a sheiceáil. Bíonn na scrúduithe ar siúl in ionaid éagsúla in Éirinn agus thar lear. Bíonn sé seo ag brath ar éileamh. Féach ar an rannóg 'Nuacht' chun tuilleadh eolais a fháil. Ar ais go barr Cén uair a bhíonn torthaí an scrúdaithe ar fáil? 6-8 seachtaine tar éis dóibh an scrúdú a dhéanamh, cuirfear na torthaí sa phost chuig iarrthóirí. Má éiríonn leis an iarrthóir sa scrúdú, seolfar teastas ar aghaidh go luath ina dhiaidh sin. Ar ais go barr Cé mhéad uair an chloig staidéir is gá a dhéanamh chun bheith in ann tabhairt faoi na scrúduithe éagsúla? Níl sa mhéid thíos ach treoir bunaithe ar an Fhráma Tagartha Comónta Eorpach do na Teangacha: Foghlaim, Teagasc agus Measúnú (Comhairle na hEorpa, 2001). Ar ndóigh, braitheann cuid mhór ar na foghlaimeoirí féin agus ar an tacaíocht atá ar fáil dóibh.
Ar ais go barr An gcaithfidh mé pas a fháil i ngach cuid den scrúdú chun pas a fháil? Ní chaithfidh. Is marc iomlán a bhronntar i gcás A1, A2 agus B1. Má éiríonn le hiarrthóirí sa scrúdú, bronnfar teastas orthu de réir na ngrád thíos.
I gcás B2, is fiú 25% gach rannóg sa scrúdú (labhairt/cluastuiscint/léamhthuiscint/scríbhneoireacht). Beidh an céatadán a ghnóthaigh an t-iarrthóir i ngach rannóg le feiceáil ar an teastas ag an leibhéal seo. I gcás C1, is fiú 20% gach rannóg sa scrúdú (labhairt/cluastuiscint/léamhthuiscint/scríbhneoireacht/úsáid na Gaeilge). Beidh an céatadán a ghnóthaigh an t-iarrthóir i ngach rannóg le feiceáil ar an teastas ag an leibhéal seo. Ar ais go barr An féidir liom rannóga éagsúla sa scrúdú a dhéanamh ag amanna faoi leith? Ní féidir i gcás A1, A2, B1, B2 agus C1. Tá ar iarrthóirí a thugann faoi aon cheann de na scrúduithe sin gach cuid den scrúdú sin a dhéanamh. Ar ais go barr An féidir foclóirí a úsáid sna scrúduithe? Ní féidir foclóirí a úsáid in aon cheann de na scrúduithe. Bíonn ceisteanna sna scrúduithe a dhéanann tástáil ar thuiscint na n-iarrthóirí ar fhocail agus ar fhrásaí faoi leith agus an chaoi ina n-úsáidtear iad. Ar ais go barr An gcaillfidh iarrthóirí marcanna má bhíonn focail litrithe mícheart acu sa scrúdú cluastuisceana? Ag na bonnleibhéil (A1 agus A2) glactar leis nach mbeidh an litriú iomlán ceart ag iarrthóirí i gcónaí. Mar sin, glacfar leis an litriú más féidir a aithint cad é atá ann, mar shampla, 'diardain' in ionad 'Déardaoin'. Má tharlaíonn sé go ndéantar focal faoi leith a litriú amach os ard ar an taifeadadh, beifear ag súil leis go mbeidh an litriú i gceart ag iarrthóirí. Ag na leibhéil eile, ní chaillfidh iarrthóirí marcanna as botúin litrithe chomh fada agus atá an méid a scríobhann siad sothuigthe agus soiléir do na scrúdaitheoirí. Ar ais go barr Cad é is féidir le hiarrthóirí a dhéanamh mura dtuigeann siad na treoracha a thugtar ag tús an scrúdaithe nó sa scrúdú cainte? Is féidir le hiarrthóirí iarraidh ar an scrúdaitheoir na treoracha a rá arís agus ní chaillfidh siad marcanna as sin a dhéanamh. Sin ráite, ar mhaithe le cothromaíocht, ní féidir leis an scrúdaitheoir aon eolas breise a thabhairt seachas na treoracha a athrá. Ar ais go barr An bhfuil aon teorainn maidir le haois na n-iarrthóirí? Níl aon teorainn aoise i gceist d'iarrthóirí ar mhaith leo aon cheann de scrúduithe teg a dhéanamh. Sin ráite, tá na téacsanna agus na tascanna dírithe ar fhoghlaimeoirí fásta den chuid is mó. Ar ais go barr An gcaithfidh mé freastal ar chúrsa Gaeilge chun aon cheann de na scrúduithe a dhéanamh? Ní chaithfidh. Cé go bhfuil go leor eagraíochtaí a bhíonn ag múineadh Gaeilge in Éirinn agus thar lear ag úsáid na siollabas agus an ábhair theagaisc ar a bhfuil teg bunaithe, ní gá freastal ar aon chúrsa faoi leith ná úsáid a bhaint as ábhar foghlama faoi leith le tabhairt faoi na scrúduithe. Sin ráite, is cinnte gur cabhair é freastal ar chúrsa a chuireann riachtanais na scrúduithe san áireamh. Ar ais go barr Cé chomh minic is a bhíonn na scrúduithe ar siúl? Bíonn na scrúduithe ar siúl uair amháin in aghaidh na bliana. Ar ais go barr Cad é mar is féidir liom clárú do cheann de na scrúduithe? Is féidir leat foirm iarratais a íoslódáil ón láithreán seo agus í a sheoladh chuig: Ionad na dTeangacha, Ollscoil na hÉireann, Má Nuad, Co Chill Dara. Ar ais go barr Cén costas a bhaineann leis na scrúduithe? Seo a leanas an costas a bhaineann le gach ceann de an scrúduithe:
Ar ais go barr Cad iad na modhanna íocaíochta? Is féidir leis an iarrthóir íoc le seic nó le hordú poist. Ar ais go barr Má tá ceisteanna eile agam? Má tá ceisteanna eile agat, is féidir teagmháil a dhéanamh le hIonad na dTeangacha:
|
Baile :: Maidir le teg :: Maidir le scrúduithe :: Eolas & moltaí :: Naisc & acmhainní :: Ceisteanna coitianta :: Nuacht :: Teagmháil
|
|
|
|
|
|
|
|
© teg 2006 Gach ceart cosanta | Téarmaí & Coinníollacha |
|